30-04-2009
1º maio. Nada que celebrar: Unión e Loita
Un novo ano os sindicatos do goberno farán a procesión na que converteron, dende fai décadas, o 1º de maio, traizoando o espírito de día de loita e solidariedade entre os traballadores co que se instaurou fai 120 anos pola II Internacional.
A día de hoxe os sindicatos maioritarios non son máis que aparellos do estado, como os partidos políticos institucionais, xuíces ou policía. Están pagados fundamentalmente polo estado, con subvencións millonarias (por impartir cursos, por representatividade, etc.), e están controlados dende arriba (as súas decisións non dependen da vontade dos seus afiliados). E como apéndices do estado defenden os intereses dos patróns: Paralizan as loitas obreiras, permiten as baixadas de salario baixo ameazas de botarnos á rúa ou cualifican de éxito que obreiros sexan multados con miles de euros (a cambio de non entrar no cárcere) polo simple feito de participar en folgas nas que cada vez sófrense máis medidas represivas (antidisturbios, despidos). Todo isto pasa cada día con máis frecuencia en cada vez máis empresas: Os sindicatos fanlle o traballo aos empresarios mentres que os traballadores quedamos sen máis protección que nós mesmos, sen máis forza que a nosa unidade.
Por iso cremos que o futuro da clase traballadora pasa pola súa nosa propia autoorganización, lonxe dos sindicatos oficiais que só buscan encher os seus petos, buscando a unidade tanto nas loitas diarias por obxectivos concretos como tamén na loita xeral contra este réxime fascista que cada vez quere que lle demos máis a cambio de menos. Pero tamén consideramos importante buscar a unidade dos traballadores e traballadoras neste e nos vindeiros 1º de maio para mostrar a nosa forza, máis alá das diferencia ideolóxicas de cada un ou de cada organización, como clase enfrontada aos intereses deste estado e deste sistema.
No 1º de maio, como no resto do ano, unidade da clase traballadora
na loita contra o réxime fascista dos patróns
20-02-2009
Quen son os culpables da situación da lingua galega?
Hai un ano ninguén sabía da existencia dunha organización chamada Galicia Bilingüe e os principais problema do galego eran a incipiente perda de falantes nas franxas de idade máis novas xunto co incumprimento do decreto do galego no ensino. Hoxe os problemas son os mesmos pero semella que para falar da situación da lingua hai que nomear inevitablemente a esta nova xenófoba organización. Por que?
Porque GB da man de PP, Rosa Diez, FALANXE, AVT, etc e cun poderoso empuxe económico pretende empapapelar Galiza cunha campaña chea de bile e mentiras que aumente o medo e os prexuízos lingüísticos dos galegos? Si. Pero os culpables da situación que vive o galego son SÓ Galicia bilingüe? O problema principal do galego é SÓ GB?
O certo é que o decreto do galego que prometía una ampliación das materias en galego continua sendo papel mollado pois non hai inspectores educativos que garantan o seu cumprimento, a constitución española continua obrigando os cidadáns galegos só ao coñecemento do castelán e a diglosia e os prexuízos que hai sobre a lingua lonxe de ir a menos aumentan considerablemente.
Galicia bilingüe non é distinta dos cans neonazis que o Estado fascista español bota a pacer polas rúas, son outro can de presa do sistema. O PSOE coa súa inactividade en política lingüística e o seu uso parafernario do galego non é menos culpable. Para o PSOE GB representa a escusa perfecta para botar por terra toda nova iniciativa de normalización lingüística, como aconteceu por exemplo co Consorcio un organismo que viña a coordinar e garantir as actuacións en materia de política lingüística nos concellos e que o PSOE botou a baixo escudándose nas presións exercidas GB. E tampouco podemos esquecer o BLOQUE que non ten vergonza ningunha de despreocuparse da lingua a cambio doutras prebendas maiores como unha vicepresidencia ou controlar temas de urbanismo nos concellos.
Hoxe desde Acçom Antifascista queremos chamarvos a defender a nosa lingua ante Galiza Bilingüe ou ante quen faga falta pero sen esquecer que a nosa situación lingüística é unha opresión máis que padecemos grazas ao sistema capitalista no que vivimos e ese si é o principal inimigo da lingua galega.
09-02-2009
REPRESSOM EM COMPOSTELA
Confirmara-se a detençom de dez pessoas no transcurso da mobilizaçom do grupo espanholista "Galicia Bilingüe".
As três últimas respondem às iniciais de B.M., A.A., e X.R. (às duas últimas negaram-lhe o direito a assistência jurídica até o momento) Advogados que assistem às pessoas detidas comunicaram que apenas três delas, N.V., A.B. e B.M, tinham declarado na esquadra policial, ficando o resto à espera de declarar esta noite ou amanhá à manhá. As três pessoas que foram interrogadas solicitaram o haveas corpus antes da chegada dos advogados, sem este ainda ter sido resolto a esta hora da noite. Os cargos contra estas três pessoas som atentado à autoridade, destroços e alteraçom da orde. Além das pessoas detidas dúzias delas foram golpeadas e agredidas polas forças de ocupaçom numha orgia de violência desmedida mesmo contra pessoas que se expressavam pacificamente nas proximidades da Alameda. Às cinco da tarde dous centos de pessoas concentraram-se na praça do Toural e marcharam até a esquadra de polícia em solidariedade e apoio das pessoas detidas.
Próximas concentraçons convocadas:
Julgados de Compostela 09:00 (fora convocada para as 10:00 mas finalmente foi adiantada polos detidos começarem a passar a disposiçom judicial a essa hora) Praça do Toural (Compostela)
20:00 Museu de Arte Contemporánea (Vigo)
20:00 Obelisco (Corunha)
Estas concentraçons estám convocadas de forma popular e contam com o apoio de todos os colectivos e organizaçons que responderam a mobilizaçom anti-galega.
De Ceivar fazemos um chamamento a toda a populaçom para acudir a estas concentraçons de denúncia e solidariedade. Aliás responsabilizamos do acontecido ao governo do PSOE que através do seu delegado do governo Manuel Ameijeiras que além de proteger umha manifestaçom de fascistas e inimigos do galego lançou umha espiral de violência contra aqueles galegos e galegas que sairam à rua para defender o idioma e a dignidade deste país
FORA ESPANHOLISMO DA GALIZA!!
AVANTE A NORMALIZAÇOM LINGÜÍSTICA!!
SOLIDARIEDADE COM OS DETIDOS!!
14-01-2009
07-01-2009
21-12-2008
PLANTEMOSLHE CARA
O partido social-cristiano Alternativa Española , convocou manifestaçoms em duas cidades da Galiza,a favor da vida,contra o abortismo e a eutanasia, esta manifestaçom foi secundada por diversos grupos da mesma ideoloxia fascista,e prohibidos,dende Acçom Antifascista Galiza convidamoste a plantarlhes cara o proximo DIA 26 as 12:00.
CORUNHA- Clinica Faos Entrepeñas 2
VIGO- Clinica Castrelos Avda Balaidos 1 1ºH
Plantemoslhe cara,cada quem e livre de decidir.Fascismo nunca mais.
10-12-2008
04-12-2008
NOVOS COLANTES JA NA RUA
Ja podedes ver polas ruas da Galiza os novos colantes de Acçom Antifascista.
19-11-2008
MAIS CRISE, MAIS FASCISMO
Nos últimos meses, saltaron tódalas alarmas do sistema capitalista: unha chea de factores (e non só a grande explosión do globo hinchado polo crédito de alto risco), tanto no eido do capital financeiro coma do industrial, anunciaban unha caída en picado no consumo e na producción. Os mercados están saturados, os stocks de mercadorías non teñen saída, a produción ten que baixar e mesmo parar, os obreiros fican sen emprego. A crise vai cada vez a máis e ameaza ao sistema co afundimento total.
Sabedores do nulo valor da moeda, os ricos invirten en valores-refuxio coma os metais preciosos e consumen luxo con redobrado frenesí. Xa que non poden invertir en Bolsa, queiman os cartos. Pero os verdadeiros amos, os grandes financeiros e industriais, axudados polos seus políticos tratan de salvarse da bancarrota “refundando” o capitalismo coma sempre: serán as clases traballadoras as que paguen a desfeita da bacanal dos ricos.
A pesar da actual indefensión, é previsible que conforme aumente a miseria, os obreiros e outros traballadores collerán a via dunha crecente organización e disposición a levantarse contra este sistema. Para abortar esta recuperación do movemento obreiro, os sicarios do capital toman medidas: aumento da violencia policial contra a resistencia e do papel mediador dos mamporreiros sindicais, que farán todo o posible por evitar os estalidos de rebelión poñendo os parches necesarios nesta caldeira a punto de reventar. Aumentará a represión, na que non van faltar (xa o estamos vendo: Euskal Herria, Madrid, nestes meses) as bandas abertamente fascistas e nazis cos seus Inestrillas e demáis descerebrados á fronte. Os e as antifascistas temos claro que eses son enemigos nosos directos. Pero tamén sabemos que o cerne do fascismo non son os símbolos, os uniformes, senón o poder dictatorial dun grupo de oligarcas (anque se disfrace de democracia), o oscurantismo e a reación ideolóxica (os grandes medios públicos e privados proclaman un pensamento único, sen cabida para as voces diverxentes ou opostas), o racismo, a sobreexplotación, a represión salvaxe, a tortura, a guerra imperialista. Este é o sistema no que vivimos, o que hoxe leva a humanidade ao abismo.
Este sistema que se fai chamar democrático pero ten tódolos trazos polos que se define o fascismo, utilizará, coma sempre, a súa arma decisiva: a de encirrar os cans da división entre nós, levándonos á impotencia e a desesperación. Ademais de impulsar o racismo contra os inmigrantes (utilizando a falacia de que veñen quitarnos o emprego), fomentan a contratación individual (beneficiando a uns poucos para sobreexplotar á maioría), as xornadas interminabeis para uns e o paro para os demais, etc.
Diante deste horizonte tan escuro, os antifascistas non nos cansaremos de traballar pola unidade por uns obxectivos comúns a tódolos sectores que resisten, facendo nosas a propostas dos colectivos que avancen por este camiño. Esiximos, polo tanto, a derrogación da Ley de Partidos, porque proibe a tódalas organizacións que non están de acordo co actual réxime político; a derrogación da Ley de Extranjería, por racista e non respetar a libre circulación dos traballadores; a liberdade de tódolos presos políticos, porque non poden estar presas as persoas ás que non se lles permitiu a loita pacífica pola liberdade e o socialismo; a disolución da Audiencia Nacional, porque é un tribunal político fascista, sucesor do TOP dos tempos de Franco.
Assinar:
Postagens (Atom)
